過年，一道又一道的蒸魚白切雞冬菇海蔘蘿蔔糕馬蹄糕蛋煎年糕連環入侵。年初二晚，肚子終於戰敗；連本來與幾位久未見面友人約好的「初三行山狂食團」，最終都要「放飛機」。
年初三，翻翻家中的DVD，找了這一套出來看。看著淡淡然卻相親的一家人如何相處，讓我待在家中清清腸胃之餘，也乘機清一清被一眾柴娃娃賀歲舊片轟炸完的腦袋。
我挺喜歡片中阿貴與家安兩母子的相處方式。沒有囉唆、沒有刻意的關心慰問，聊聊當天的二三事，說說親戚鄰里無傷大雅的是非，兩人真的像朋友多過像母子。
如果可以的話，我也想與老爸這樣相處。
近來，我正努力建立這種相處模式。
「老豆，點解大細姑媽反面反咁耐？」
「老豆，點解你咁大個男人，塊球拍輕過我個塊咁多，個grip又細咁多？不如交換呀！」
「老豆，點解你睇咗《少林足球》五次，冇一次識笑嘅？點解你會覺得《赤壁二》好睇架呢？」
可是，老爸總愛殺我一個措手不及。
「阿女，你開唔開心呀？」
「出面有人蝦你，同我講呀！」
「有咩搞唔掂唔開心，要講畀我知呀！」
記得《破地獄與白菊花》裡面，有這一句：「阿爸，我咁大個人，都畀人hurt到起晒『枕』啦。講畀你聽又點噃？」
