那年‧那月‧那日‧快樂旅行

我愛旅行，是很愛那一種。
要我揀，買靚衫定去旅行。我一定揀旅行。
反正，就算買滿一櫃新衫，我日日都係著到成個乞兒咁。

沙士的全盛時期，膽粗粗去波蘭，以為拎住本疑似英國護照的BNO就可以扮唔係疫埠港人，以為東歐人唔識分。點知，搵到間將自己客廳當客房租出去的民宿，民宿婆婆用有限英文問：「you come from that Asian city..you know..that lung disease? you have?」
要用埋同一個廁所浴室，佢擔心都正常嘅...

考兩次車牌先考到...仲要係自動波，我的駕駛技術，你估都估到。
居然夠膽死學人租左軚車，轉線轉彎，左右搞亂晒，仲要等到迎面有車來先知轉錯線。
而家仲可以坐喺度寫blog...都真係還得神落。

那一年，泰國的那個美麗小島，其實多人多到有d似南丫島。那裡的沙灘，其實嘈到有d似淺水灣。但是，同年的年底，一個海嘯，把那些熱鬧嘈雜聲，統統沖走了...

與在歐洲工作多年的好友G約好在西班牙相聚，每晚都是由一家咖啡館坐到另外一家咖啡館，再轉到另一家咖啡館。她，將多年沒有說過的廣東話，三晚之內傾巢而出。我嘛？三晚好像說不夠十句話。

好友D和好友F到英國探望自稱去讀書的我，晚晚煮飯等我放學回家吃；週末一起去阿姆斯特丹，遇著夜半「鬼」敲門。那年，好友F說那是她最快樂的一週，其實，我都覺得係呀！

在台灣街頭遇到的小狗，跟了我和同伴幾條街，直到我們上了計程車，你也不願走，還跟了數步目送我們遠去。你最終找到回家的路嗎?

旅行，我儲緊錢，你等我。